კავკასიოლოგთა საერთაშორისო ლინგვისტურ-ანთროპოლოგიური კონგრესი დაფუძნდა 2022 წელს თსუ პროფ. მერაბ ჩუხუას ინიციატივით. კონგრესი ფართო მასშტაბისაა და მასპინძლობს 200-მდე მონაწილეს მსოფლიოს სხვადასხვა ქვეყნიდან, ძირითადად — კავკასიის რეგიონიდან.

კონგრესის მიზანია, კომპლექსურად წარმოადგინოს კავკასიის ლინგვისტური, ანთროპოლოგიური, კულტურულ-ისტორიული პორტრეტი არქაული პერიოდებიდან თანამედროვე ვითარებამდე.

სამეცნიერო ფორუმი მუშაობს შემდეგი მიმართულებებით:

• იბერიულ-კავკასიურ ენათა სტრუქტურისა და ისტორიის აქტუალური საკითხები. ისტორიულ-შედარებითი, აღწერითი და არეალურ-ტიპოლოგიური კვლევები;
• კავკასიის ანთროპოლოგია;
• კავკასიის ისტორია და წყაროთმცოდნეობა;
• ისტორიული გეოგრაფიისა და დემოგრაფიის საკითხები;
• კავკასიის პალეოგრაფია;
• ქართულ-კავკასიურ ურთიერთობათა ისტორიულ-ფილოლოგიური ასპექტები;
• ლიტერატურათმცოდნეობა და ლიტერატურის ისტორია;
• კავკასიის არქეოლოგიური კულტურები;
• კულტურის ისტორია;
• კავკასიის ხელოვნებათმცოდნეობა და ხელოვნების ისტორია;
• კავკასიის ჰერალდიკა და ნუმიზმატიკა.

ყოველ მონაწილეს შესაძლებლობა ექნება, სურვილისამებრ, შექმნას საავტორო პანელი.

კონგრესზე მუშაობს სტუდენტთა სპეციალური სექციაც (ბაკალავრი მესამე კურსიდან და ზემოთ, მაგისტრი/მაგისტრანტი, დოქტორანტი).

სამუშაო ენებია: ქართული, ინგლისური და რუსული.

კონგრესი ტარდება ჰიბრიდული ფორმატით.

კავკასიოლოგთა II საერთაშორისო ლინგვისტურ-ანთროპოლოგიური კონგრესი

2023 წლის 17-19 ოქტომბერი

კავკასიოლოგთა I საერთაშორისო ლინგვისტურ-ანთროპოლოგიური კონგრესი

2022 წლის 14-16 ნოემბერი